قبل شهرين
البنات ال خدت قرار الطلاق بعد شهر شهرين جواز حد فيكم ندم او تعب ف حياته والا اتأكدتوا انه القرار الصح؟ تعديل يا بنات دلوقتي إحنا كنا متساهلين معاه ف كل حاجه ف الجوازه من أولها لاخرها وكان ظاهر بدور المحترم والطيب والطموح وال بيسعي وال بيهتم وطبعاً مبيشربش سجاير وعمري ما اخد منك جنيه ولا امد ايدي ع قرشك.. واتفقنا علي اتفاقات منها اني افضل اشتغل(انا دكتوره) يعني مش بشتغل شغل وحش ولا متبهدله واتفقنا علي زيارات اهلي عشان متجوزه بعيد شويه بعد الجواز حد تاني خالص شتايم بالفاظ مش كويسه وطلع بيشرب سجاير ولما واجهته قالي براحتي واصلا بشرب من ايام الخطوبه ولما قولتله انت عارف ان دي نقطه حساسه بالنبسالي ومرفوضه فضل يقلب الترابيزه ويزعق ... بياخد من فلوسي وبيربط معايا اني مدخلش جمعيات ولا حاجه وان هو هيحوش فلوسي وبعدها بيشوفني هدفع كام ف البيت وان مرتبي كله احطه ف البيت يدوب اخد فلوس تكفي برفاناتي وحاجاتي والباقي احطه ف البيت طب احوش لنفسي ع جنب ؟ لا إحنا هنحط الفلوس كلها ف الدرج ونصرف وال يفيض نجيب حاجه دهب وشهر نكتبها باسمك وشهر باسمي يعني انا هدفع ف البيت بالنص او اكتر خصوصاً اني مرتبي اكبر وخصوصا أن الشقه ايجار وبيدفع ايجار ولما لقاني مش مقتنعه اوي بالكلام وكدا وقولتله سيبها لوقتها قفل وشه وعملها زعله وقعدت اصالح فيه ...طيب وشغلي ؟ لا شغلك دا مافيش منه انا بكرهه ومش بحبه وهيأثر علي بيتنا...طب مانت عارف اني متعلمه عشان اشتغل مش اقعد ف البيت ومتفقين وانت اتفقت مع بابا اني مش هقعد... قالي انا راجل البيت ومحدش يحكم علي مراتي غيري.. بلا إتفاق بلا قرف .... الكلام دا لما حس اني مش هدفع ف البيت فلوس وقولتله اني كأني ف جمعيه وهاخد جزء احوشه ع جنب وقالي لما تحملي مجرد حمل هتقعدي ف البيت مش هسامحك لو ابني جراله حاجه بسبب شغلك (شغلي علي مكتب اصلا مش بقوم كتير ) قولتله هحوش كأني ف جمعيه ع جنب عشان لما احمل واقعد من الشغل زي ما بتقولي يبقي معاايا قرش لاي ظرف ف اتقمص وزعل وعملها اني مش بحب البيت ...طيب زيارات اهلي ال اتفقت معاه عليها لا مفيش الكلام دا ...المهم حصل بينا مشكله ومامته ف مره اتدخلت لاقيته بيشتم قدامها وهي ساكته عادي بيتعصب عليا وبيغلط فيا وف اهلي وهي قاعده مقالتش مينفعش كدا غلط لحد ما رمي العصير ف وشي قدامها وهي ساكته ومش بتقوله عيب ولا غلط ولما قولتله ابنك كدب عليا ومقاليش انه بيشرب سجاير فكرتها مش عارفه قالتلي هو حر طالما مش بياخد فلوسها منك ف طبعاً لاقيتها بتحاميله ف الغلط وبتقولي لا مكدبش وبقولها كدا حضرتك خدعتيني انتي كمان عشان كنتي عارفه قالتلي هو انتي كنتي سألتيني طبعاً غير المعامله الزفت والخناقات والكدب ال بكتشفه فيه وف اهله كل يوم وبيحلفوا دايما كدب بالله العظيم وبالمصحف وبيقعوا بعدها وبكتشف كدبهم وف اول زياره عند اهلي مكنش عاوز يقعد، فضل يقولي هقولهم عندي شغل، قولتله اني مليش دعوة ومش هشارك ف كدبك وفعلاً فضل يحلف لبابا انه هيمشي عشان عنده شغل وبابا مفكر ان إحنا متخانقين او حصل حاجه ضايقته ويقولي أن إحنا قايلين هنيجي اليوم دا عشان اجازه وفضل يحلف قدامي كتير انه رايح شغل وقدام بابا ومتكسفش مني اني عارفه الحقيقه وزعل اني بقول لمامته كذب ع باابا ف كذا كذا قالتلي لا هو مكدبش هو قصده انه عنده شغل تاني يوم يعني كل حاجه مامته عرفاها وعارفه عنها وعن مشاكلنا بتوع قصص وحوارات وكل شويه اكتشف ليهم حوار جديد وللامانه.لس لمسته لج.سمي بقت ترعبني وبقيت اكرهها بقيت احس واحده بتغت.صب مش ف علاقه مع جوزها عمره ما بيساعد ف البيت ولما اتكلمت كتير معاه وزعلت كتير ويجي يشيل كوبايه بيفضل كل شويه يقولي انا بساعدك وبعمل معاكي ف البيت وشايل معاكي ف شغل البيت ...تعبت. وراح كشف عليا (تبع التأمين بتاعي وعلاج بسعر مخفض ) فضل كل شويه يقولي كشفت عليكي وبجري عليكي واحيبلك علاج مش بيصرف ع البيت والحاجات الناقصه مش بيرضي يجيبها حتي لو حجاره ريموت اتخانقنا قبل كدا عشان كنت بجيب علبه جبنه من المحل وفضل يقولي ليه وبتاع ومصاريف ع الفاضي وانتي مش بتحسي مش فاهمه علبه عبور لاند عملت دا كله ازاي واخر خناقه بينا قالي انتي كل شويه تعبانه وكل شويه عيانه (عشان بطني وجعتني لما اتخانق معايا وقولوني تعبني) واخر موقف حصل بينا انه قالي انه مكمل معاياا عشان القايمه ولو انا اعرف اخلصه من الدهب بتاع القايمه يبقي عملتله جميل مش هينساه واني اخد كل حاجه عادي، القايمه مكتوب فيها حاجتي وحاجته (عفشه وحاجته كلها عفش جاهز مش مكلف اكتر من ٣٠ الف الاوضتين ومطبخ ب ١٦ الف ) يعني ورق اصلا غير مواقف كتير اووووي من عصبيه واهانه وزعيق ويقولي امشي لو عندك كرامه امشي وانتي اخرك فاضي وتاني يوم يجي يصالح ويقولي معلش ويصالح بس مفيش مد ايد للامانه قاعدين ف ايجار ف بقوله الجمعيه بتاعتي هقبضها ونعمل جمعيه كمان وندفع مقدم شقه بدل الايجار عشان لو معرفناش نجيبها دلوقتي مش هنعرف لما يبقي فيه اطفال فضل يقولي لا واعملي حسابك اني مش هقدر اجيب شقه ولا دلوقتي ولا بعدين اومال كنت بتقولي سنه او اتنين ونكون نقلنا شقتنا بتاعتنا ازاي وكنت بتخدعني وتنيمني ف العسل يعني مخطط وناوي تعيش العمر كله ف إيجارومطلعتش طموح وبتدور ع شقه ملك زي ما قولتلي وغير مواقف كتير مش فكراها اعمل اي
سجّلي الدخول عشان تعلّقي وتشاركي رأيك.