قبل 5 أشهر
الصفحة دي عندها دليل متكامل مجاني لجهاز العروسة فيه كل التفاصيل عشان نشوف كل الحاجات اللي ممكن نجيبها ومننساش حاجة 🩷 وممكن الحاجات اللي تعجبنا وعايزين نجيبها نضيفها هنا ع الأبليكيشن لو حابين عشان نكون عارفين جيبنا إيه وكام قطعة وكدا .. ححطلكم اللينك في الكومنت عشان يتنسخ بسهولة 🩷 اسمها همسة ع الفيسبوك وانستجرام
السنة الماضية
أجيب منين حلل جرانيت بالواحدة مش طقم كامل في اسكندرية؟
السنة الماضية
إيه المساجد الكبيرة المناسبة لكتب كتاب في اسكندرية؟ أو قاعات المناسبات البسيطة زي قاعات المواساة أو قاعات مناسبات ملحقة بمساجد
السنة الماضية
حد يعرف أماكن اجيب منها موكيت سادة في اسكندرية بأسعار كويسة؟ اللي بشوفو اقل متر مربع جودته كويسة ب ٣٥٠ جنيه!
السنة الماضية
عايزة احط جهازي ف شنط كدا موحدة عشان لما اوديهم بيتي ان شاء الله بس شنط السفر دي غالية أوي على اني اجيب منها كذا واحدة كبيرة .. حد يعرف نوع شنط تكون شيك وسادة وألوان فواتح بيچ او كشمير او ؤفوايت ينفعوا لكدا وسعرهم مناسب حتى لو قماش أو بلاستيك بس يكونوا سادة وشيك 🤍
قبل سنتين
هو ازاي نتواصل مع الأدمن ؟ كانت زمان بترد Admin Rasha بس من حوالي ٦ شهور ببعت محدش بيرد 😅
قبل سنتين
هو المفروض قبل الفرح اغسل كل اللبس اللي جبتو ف جهازي عشان يكون جاهز للاستخدام على طول ولا إيه 😅 خايفة من أول غسلة لكل حاجة حاسة ممكن حاجات تبوظ أو تفقد جزء من رونقها ولازم اغسل أول مرة على إيدي عشان متكونش حاجة بتنزل لون تبوظ الكل وكدا
قبل 3 سنوات
هي الحلل الجرانيت بتتباع بالقطعة ولا لازم اشتري الطقم كله ؟ والمقاسات اللي بشوفها في الطقم كلها كبيرة .. هل في حلل جرانيت صغيرة تكفي فردين بس؟ 😅
قبل 3 سنوات
هو لو حجيب نوع حلل واحد من دول .. أجيب جرانيت ولا سيراميك للاستخدام اليومي الرز والطبيخ وكدا .. أنهي تعيش أكتر بحالة كويسة ومتلزأش الحاجة فيها بعد فترة
قبل 3 سنوات
هو إيه أهمية اللحاف ؟ مش هي البطانية للشتا والكوفرتة للجو اللي مش برد أوي وخلاص 😅 أعتقد اللحاف مش بيدفي زي البطانية ف مينفعش للشتا .. صح ولا إيه؟
قبل 3 سنوات
هو إيه فايدة منديل كتب الكتاب 😅 يعني بيتعمل بيه إيه وهل مهم اجيبو ولا عادي مش لازم لأني مش عايزة اجيب حاجات من اللي بتفضل متشالة طول العمر وهي ملهاش لزمة وعاملة زحمة وخلاص دي 😁
سجّلي الدخول عشان تعلّقي وتشاركي رأيك.