مسحوق اوكسي نسيم العطور 9 كيلو
صابون سائل لليد علشان الصابونة بتجير السيراميك اي نوع تحبيه في فريدا مثلا او هاتي نوع ارخص شوية علشان اصلا دي حاجة استهلاكية فهاتي كمية أكبر
منعم ملابس comfort او فريدا البينك زي ما تحبي
معطر جو glade او في نوع حلو اوي الكل بيشكر فيه اسمه روزيرا
معقم ارضيات وتمسحي بيه ريحته تحفة فريدا وركزي مطهر ومنظف مش معطر ارضيات ده بيعمل الاتنين بيعقم ويطهر ويدي ريحة حلوة مش مجرد ريحة وخلاص
ولو مش فارق معاكي فهاتي معطر ارضيات الازازة الزرقاء العادية دي بريحة النضافة تحفة
وهاتي ازازة ديتول بس مش لازم نوع ديتول نفسه يعني عادي هاتي اي نوع مش مقاطعة
وهاتي ازازة هاربيك عن تجربة تحفةةةة بينضف الحاجة ويلمعها من قلب فعلا ، وفي عرض بيكون ٣ مع بعض
وهاتي زجاجة كلور الوان اوتوماتيك في نوع اسمه ..
هاتي چركن صابون مواعين فيري تحفةةةةة تقيل وبيتخفف بيكون تحفة وبيقعد وقت طوييييل عندنا واحنا أسرة بيكفينا بالشهرين وال٣ بس طبعا خففيه واستعملي معلقة خل علشان لازم تعمل كده مع أي صابون مواعين علشان ميثبتش في الأطباق وبيعمل امراض ربنا يعافيكي واللي بتحبيهم والمسلمين جميعا اللهم امين
شامبو كلير للرجال لزوجك وانت ممكن تغسلي بيه مرة في الأسبوع تجنبا للقشرة وهاتي لنفسك اي شامبو بتحبيه ممكن مثلا فاتيكا بالارجان حلو مش بينشف الشعر وبينضف كويس او ممكن تجيبي هيربال ايسنس ، وبلسم هيربال ايسنس حلو
حمام كريم بيو سوفت الافوكادو حلو او حمام كريم الو ايفا وعليه أنبوبة مرهم بانثينول بيكون تحفةةةة
اوكسي چل للملابس السوداء
فوط ايكو واي للتنضيف سواء تلميع الزجاج او فوطة الدهون او فوطة التراب هاتي مجموعة كاملة على بعض
هاتي جلاڤز للمواعين علشان ايدك
وهاتي جلاڤز خصصيه لوقت تنضيف الحمام فقط
هاتي معجون pink لتلميع الأسطح والاحواض رهيبة
هاتي ملمع زجاج وملمع خشب
هاتي كربونات وملح ليكون وعينيهم في برطمانين كبار علشان كل فترة تحطي منهم معلقة في الحوض عليها خل ومية سخنة تخلصك من الروايح وأي انسداد بإذن الله حلوة جدا
ليفات المواعين هاتي كذا نوع وكذا شكل علشان في نوع ناعم الكوبايات والمعالق ونوع خشن شوية للاطباق والحلل وخلي بالك لو حلة تيفال أو غير لاصقة متحطيهاش في المية علطول بعد ما تطلعيها من النار الطبقة اللاصقة تبوظ ، بعد ما تهدى انقعيها في مية ونزلي اللي فيها في صفاية وارميه بعدين ادعكي بليفة ناعمة
ليفتين استحمام واحدة ليكي وواحدة ليه يفضل هاتيهم لون مختلف أو نفس النوع بس شكلين مختلفين كده يعني
مناديل سحب بابيا الأربع طبقات أو فاميليا ال٣ كويسة بردو
ومناديل مطبخ وحمام اي نوع تحبيه بس فاين اعتقد خفيفة اوي بلاش منها
هاتي بخاختين فاضيين علشان لو حبيتي تعملي اي خلطة تلميع أو اي حاجة بتترش
كلور علشان تنقعي فيه فرشة القاعدة بتاعة التويلت مع شوية مية
سترس للدهون بس مش ضروري اوي في الاول
اقراص دورة التنضيف بتاعة الغسالة علشان كل شهر تعملي دورة وكل تغيير لنوع المسحوق بردو بتعملي دورة قبل ما تستخدمي نوع جديد ونضفي الفلتر باستمراااااار
هاتي علبتين اولويز كبار من نوع برايڤت حلو جدا هيعجبك بإذن الله
فرشتين اسنان سنسوداين الناعمة علشان متضرش الاسنان ومعجون أسنان سنسوداين أو كلوز أب تحفة الاتنين وكلوز اب النعناع منعش جدا بس خلي بالك متجيبيش معجون تببيض لان ده بيستخدم مرة بس في الاسبوع مش يومي
متنسيش بقى غسول يومي للبشرة على الحوض علشان هو كمان يستخدم منه حتى لو هتجيبي نوع عادي غير بتاعك الغالي
الكوباية المعيارية بتاعة المسحوق
بخاخ للفم
مضمضة الفم
اقراص ومستلزمات غسالة الأطباق لو عندك بيشكروا في Ludwik
علبة مناديل مبللة
ممكن تجيبي الاقراص اللي بتتعلق في التويلت علشان لما تشدي السيفون الريحة تكون حلوة دي
ومساحة الزجاج وفوط المطبخ
قولت كل اللي فاكراه بإذن الله ♥️
الله يكملك بخير ويسعدك اللهم امين يا رب ♥️
التعليقات
٩ تعليقالشهر الماضي
اوكسي وچيل للملابس السوداء معطر ملابس ومعطر جو ومعطر ارضيات منظف ارضيات شاور چيل ملمع زجاج ملمع اثاث ليفه للمطبخ وسلك وزيهم للحمام مناديل سحب معجون أسنان وفرش اسنان هاربك للقاعده ليف للاستحمام شامبو هاربك للقاعده وكلور الوان وكلور ابيض هاند ووش
الشهر الماضي
بصي برسيل برسيل جل ومعطر ملابس ومعطر جو ومعطر ارضيات وبريل لغسيل المواعين وهاربك للقاعده وكلور ومعجون وفرش اسنان شاور جيل ليفه للمطبخ والحمام ليف للاستحمام ملمع اثاث ملمع زجاج
الشهر الماضي
للاستفسار ابعتيلي0101122176
الشهر الماضي
بصي ي جميله أول حاجه مسحوق الغساله واوكسي تحفه لافندر بس أعرفي الاول غسالتك بتاخد اي نوع مسحوق ولا مسحوق اوتوماتيك وبعد كدا هاتي معطر ملابس عند كومفورت تحفه أو فريده ممكن تجيبي چركنين كبار بالروايح اللي تحبيها كارتونه كلور هاتي نصها الوان ونصها ابيض هتحتاجيه وعايزين برضو ڤانيش علشان لو مش عايزه تغسلي الهدوم بكلور بعد كدا هاتي علبه صابون وخلي فيها صابون ديتول حلو اووي برضو وهاتي صابون سائل للايد برضو تحفه جدا ودا اللي هتستخدميه في الاول وهاتي للقاعده هاربك تحفه للقاعده وهاتي اللزقه اللي بتتحط في القاعده دي وهاتي الاقراص بتاعت غساله الاطباق لو عندك غساله اطباق وأقراص لغساله الملابس علشان تعملي دورة تنضيف للغساله ومتبيتيش هدوم مبلوله في الغساله نهائي وبعد ما تطلعي الهدوم سيبي باب الغساله مفتوح علشان تنشف شويه ومتكمكمش وهاتي ازازة ديتول برضو علشان تعقم معاكي وهاتي منظف للارضيات بريكس تحفه خليه مثلا باليمون بينضف جدا وهاتي معطر ارضيات عندك فريده عود او بريحه النضافه او هاتي كومفروت تحفه وهاتي معطر جو فيه برضو فريده أو جلاد وهاتي ملمع أسطح وملمع اثاث بيكون اسبراي كدا وهاتي٢ ازازه ملمع زجاج بريكس تحفه برضو وهاتي چيركن فيبا خطير للمواعين تقيل كدا وريحه الليمون قويه فيه بس طبعا بنخففه وبنحط عليه معلقه أو معلقتين خل واحنا بنغسل المواعين علشان ميلزقش فيها ندخل بقا علي الشاور جيل هاتي فريده برضو البينك والموڤ تحفه وفيه دوڤ شاور جيل برضو تحفه أو سهر الليالي وهاتي شامبو ليكي ممكن كابكسي او مجموعة هيرروتس بيكون فيها شامبو وبلسم وكريم تسريح وممكن برضو تستخدمي شامبو ايفا تحفه وبلسم بوبانا مكتوب عليها تريت منت وهاتي لجوزك بقا شامبو كلير هاتيلك انتي كمان واحد زيه للقشره وهاتي حمام كريم ليكي برضو بزبدة الشيا خطير بيدي نوعه وترطيب رهيب وهاتي ماسكين ترطيب للشعر وهاتي ٢ معجون و٣ ولا حاجه فرشه اسنان وهاتي واحد معجون بالفحم اغسلي بيه مره في الاسبوع لتفتيح الاسنان وهاتي ليفتين استحمام واحده ليكي وواحده ليه وهاتي غسول لنفسك طبعا تحطيه في الحمام وبخاخ للفم وعلبه لبان كلورتس ومضمضه وهاتي علبه وايبس لتنضيف الدهون وعلبه لتنضيف الجزم هاتي علبه ليكي انتي وهاتي علبتين برايڤيت اوسوفي وهاتي مناديل تويليت فامليا وطبعا متنساش مناديل السحب هاتي ٣ علب ولا حاجه اسمها وايت تحفه وهاتي مناديل مطبخ تحفه مش هتستغني عنها وهاتي فيبا مزيل دهون للبتجاز خطير بس وانتي بتستخدميه لازم جلاڤز لانه ممكن يعورك ف ايدك وطبعا جلافز للمواعين وحلافز للحمام وليفة مواعين كذا واحده وهاتي ليفه للحمام وسلك وهاتي ملح الليمون تحفه هو والكربوناتو للهدوم البيضا وممكن لو الحوض اتسد تحطيهم وتحطي مايه سخنه وهاتي فوط ازاله الدهون برضو تحفه وهاتي في الصاله فواحه وجيبلها معطر كل ٥ دقايق كدا بترش لوحدها وهاتي بخور الحاج عرفه تحفه تحفه وهاتي فرش لغسيل الازايز وهاتي سلاكات ودان حلوه برضو صح وهاتي أوكسي چيل للملابس السوداء وهاتي بخاخه ومساحة زجاج هينفعوكي جدا وان شاء الله كدا اكون قولت كل حاجه ولو افتكرت حاجه تانيه هكتبهالك ♥️♥️
الشهر الماضي
مسحوق اوكسي نسيم العطور 9 كيلو صابون سائل لليد علشان الصابونة بتجير السيراميك اي نوع تحبيه في فريدا مثلا او هاتي نوع ارخص شوية علشان اصلا دي حاجة استهلاكية فهاتي كمية أكبر منعم ملابس comfort او فريدا البينك زي ما تحبي معطر جو glade او في نوع حلو اوي الكل بيشكر فيه اسمه روزيرا معقم ارضيات وتمسحي بيه ريحته تحفة فريدا وركزي مطهر ومنظف مش معطر ارضيات ده بيعمل الاتنين بيعقم ويطهر ويدي ريحة حلوة مش مجرد ريحة وخلاص ولو مش فارق معاكي فهاتي معطر ارضيات الازازة الزرقاء العادية دي بريحة النضافة تحفة وهاتي ازازة ديتول بس مش لازم نوع ديتول نفسه يعني عادي هاتي اي نوع مش مقاطعة وهاتي ازازة هاربيك عن تجربة تحفةةةة بينضف الحاجة ويلمعها من قلب فعلا ، وفي عرض بيكون ٣ مع بعض وهاتي زجاجة كلور الوان اوتوماتيك في نوع اسمه .. هاتي چركن صابون مواعين فيري تحفةةةةة تقيل وبيتخفف بيكون تحفة وبيقعد وقت طوييييل عندنا واحنا أسرة بيكفينا بالشهرين وال٣ بس طبعا خففيه واستعملي معلقة خل علشان لازم تعمل كده مع أي صابون مواعين علشان ميثبتش في الأطباق وبيعمل امراض ربنا يعافيكي واللي بتحبيهم والمسلمين جميعا اللهم امين شامبو كلير للرجال لزوجك وانت ممكن تغسلي بيه مرة في الأسبوع تجنبا للقشرة وهاتي لنفسك اي شامبو بتحبيه ممكن مثلا فاتيكا بالارجان حلو مش بينشف الشعر وبينضف كويس او ممكن تجيبي هيربال ايسنس ، وبلسم هيربال ايسنس حلو حمام كريم بيو سوفت الافوكادو حلو او حمام كريم الو ايفا وعليه أنبوبة مرهم بانثينول بيكون تحفةةةة اوكسي چل للملابس السوداء فوط ايكو واي للتنضيف سواء تلميع الزجاج او فوطة الدهون او فوطة التراب هاتي مجموعة كاملة على بعض هاتي جلاڤز للمواعين علشان ايدك وهاتي جلاڤز خصصيه لوقت تنضيف الحمام فقط هاتي معجون pink لتلميع الأسطح والاحواض رهيبة هاتي ملمع زجاج وملمع خشب هاتي كربونات وملح ليكون وعينيهم في برطمانين كبار علشان كل فترة تحطي منهم معلقة في الحوض عليها خل ومية سخنة تخلصك من الروايح وأي انسداد بإذن الله حلوة جدا ليفات المواعين هاتي كذا نوع وكذا شكل علشان في نوع ناعم الكوبايات والمعالق ونوع خشن شوية للاطباق والحلل وخلي بالك لو حلة تيفال أو غير لاصقة متحطيهاش في المية علطول بعد ما تطلعيها من النار الطبقة اللاصقة تبوظ ، بعد ما تهدى انقعيها في مية ونزلي اللي فيها في صفاية وارميه بعدين ادعكي بليفة ناعمة ليفتين استحمام واحدة ليكي وواحدة ليه يفضل هاتيهم لون مختلف أو نفس النوع بس شكلين مختلفين كده يعني مناديل سحب بابيا الأربع طبقات أو فاميليا ال٣ كويسة بردو ومناديل مطبخ وحمام اي نوع تحبيه بس فاين اعتقد خفيفة اوي بلاش منها هاتي بخاختين فاضيين علشان لو حبيتي تعملي اي خلطة تلميع أو اي حاجة بتترش كلور علشان تنقعي فيه فرشة القاعدة بتاعة التويلت مع شوية مية سترس للدهون بس مش ضروري اوي في الاول اقراص دورة التنضيف بتاعة الغسالة علشان كل شهر تعملي دورة وكل تغيير لنوع المسحوق بردو بتعملي دورة قبل ما تستخدمي نوع جديد ونضفي الفلتر باستمراااااار هاتي علبتين اولويز كبار من نوع برايڤت حلو جدا هيعجبك بإذن الله فرشتين اسنان سنسوداين الناعمة علشان متضرش الاسنان ومعجون أسنان سنسوداين أو كلوز أب تحفة الاتنين وكلوز اب النعناع منعش جدا بس خلي بالك متجيبيش معجون تببيض لان ده بيستخدم مرة بس في الاسبوع مش يومي متنسيش بقى غسول يومي للبشرة على الحوض علشان هو كمان يستخدم منه حتى لو هتجيبي نوع عادي غير بتاعك الغالي الكوباية المعيارية بتاعة المسحوق بخاخ للفم مضمضة الفم اقراص ومستلزمات غسالة الأطباق لو عندك بيشكروا في Ludwik علبة مناديل مبللة ممكن تجيبي الاقراص اللي بتتعلق في التويلت علشان لما تشدي السيفون الريحة تكون حلوة دي ومساحة الزجاج وفوط المطبخ قولت كل اللي فاكراه بإذن الله ♥️ الله يكملك بخير ويسعدك اللهم امين يا رب ♥️