رِوان
قبل 7 أشهر
#تجارب-مع-المستحيل أنا عروسة والدنيا مقفلة طبعاً كله بإيد ربنا بس البوست من باب إن نهون على بعض وندي الأمل لبعض ، احنا لسه خطيبي في الجيش ومجبناش الشقة ولسه مجبتش حاجة في جهازي ومخطوبين بقالنا سنة ، كل اللي حواليا لما يتكلموا بابا يقولهم لسه بدري لسه بدري ، ده مش اقل من سنة ، الكلام ده بيضايقني جدا علشان وسط كل القرف اللي بنشوفه في الدنيا نفسي اتجوز ويكون ليا بيت وحياة ، كل واحدة عدت من تجربة صعبة تحكيلنا وتطمنا
عايزة تعلّقي؟ سجّلي الدخول وشاركي رأيك.
التعليقات
٤ تعليققبل 7 أشهر
انا بقالي ٤ سنين بسبب الظروف و بيعنا اللي ورانا و اللي قدامنا و لسه مخلصناش ولا انا ولا هو جبنا شقه و سيبنا بسبب مشكله مع صاحبها و بعدين ابتدينا من الاول تاني و جبنا غيرها ع الطوب و دي اصعب هو بطوله و انا كذالك ابويا موجود زي مش موجود ميعرفش انا عندي ايه ولا معنديش ايه ولا حتى فكر أنه يجهزني أو يسعى لده كل حاجه بنجبها بطلوع الروح و محدش معانا و مفيش غيرنا شايل همنا ف الدنيا وحشه اوووووووووي فوق م تتخيلي بس بنحكي كل ده بهزار عشان متتعبش و واثقين ف ربنا أنه هيعوضنا خير قريب عن التعب ده كله و لو حد تعب التاني يهون و هكذا ف تبديل الأدوار ده لحد م ربنا يكرمنا و نرتاح 😂 ربنا يسعدك و يفرحك و يقربلك البعيد و يكملك علي خير و حياتك الجايه كلها تبقى خير و بركه و سعاده و رزق و يرزقك الذريه الصالحه و يجعله الخير ليكي و يجعلك الخير ليه يارب و يجمع مابينكو علي خير يارب انتي و انا و كل البنات اللي زينا يا حبيبتي ❤️❤️
قبل 7 أشهر
عادى انا خطوبتى 3 سنين بسبب الجيش و ظروف البلد ... بالعكس انتى لازم تستمتعى بكل لحظه فى الوقت ده و انبسطى بجد لان كل مرحله و حلاوتها و فرحتها
قبل 7 أشهر
كل تأخيره فيها خيره اصبري واحتسبي وربنا يفرجها والله هتتجوزي وكله هيبقي زي الفل سلمي امرك لله والله هتتحل