الناس الى مجبتش النيش بحاجته ندمت ولا. والى جاب اى من الحاجات الى جبتيها مهمه وبتسخدميها ن…

هاتي مثلة ٤ او ٥ اطقم كاسات حلوين وطقم صيني وطقم عشا بس دول حلوين اووي وكفايا

مش متجوزة بس حاسه ممكن تكتفي بالبوفيه مع السفره عادي

ربنا يتمملك و يتمملي و يكمل فرحتنا علي خير يارب ❤️❤️❤️❤️

و اخيرا بقى كل م الدنيا بقت ف السمبل منه كل م هتحسي انك مرتاحه كل مبصتيش لكلام الناس و لا فرقلك تعليقاتهم كل م حياتك هتبقى هاديه عشان والله العظيم الناس بتبقى داخله مسابقه مين هيعلي علي التاني و الدنيا مش مستحمله زي م انتي شايفه

الاعداد بقى فكك من اي حد يقولك هاتي خمستلاف كبايه و عشرين مليون طبق و الجو ده انت مقتنعه جدا ب علي قد لحافك مد رجليك و كمان حاسه ان في حاجات تانيه اهم زي أن ممكن مجبش القارورة و اعمل ليزر و مجبش اركوبال و اعمل تقشير اصل انا اللي هفرق معاه مش القارورة 😂😂😂😂

شنطه المعالق شايفه أنها ملهاش لازمه عشان بو احنا واقعين و مش هناكل بشوكه و سكينه ف ممكن نشوف الحاجات اللي مفيهاش سكاكين و فرق السعر ده نحطه ف طقم فوط ولا حاجه حتى لو كان جنيه هينفع

الكاسات الكريستال اللي ب دم قلبي ملهاش لازمه في كاسات شيك جدا ساده و اسعارها علي قد الدنيا عشان في حاجات تانيه هتتجاب لسه

طقم القاروره اللي بكام الف شايفه ملوش لازمه لو جبت كبايات مياه و عصير الساده بتبقى شكلها شيك جدا الناس مش هتشرب ف القاروره

بلاش طقم الجاتو الي بيبقى اشكال و الوان ده اللي بيتحط ف النيش و ملوش لازمه في اشكال تحفه بيبقى طبق كبير و 6 صغيرين حلو اوي هتلاقيه ع التيك توك أشكاله و في شياله الكحك نفس الشكل تحفه بجد

هاتي بقى طقم عشا بيبقى شبه الصيني كده ده شكل منه طبعا في أشكال كتير ده يبقى بديل الصيني و كمان للعزومات لو الدنيا كويسه ممكن تجيبي اتنين نفس الشكل أو شكلين قريبين من بعض و تعملي ماتشينج و طقم عشا للمطبقيه الشكل اللي يريحك و و لو الظروف كويسه و مش هتيجي علي نفسك ممكن تجيبي طقم ميلامين مش عاوزه ميلامين هاتي طقم عشا تاني مع اللي ف المطبقيه يبقى 18 ده

بصي انا شقتي صغيره مش هعمل نيش و كمان شايفه أن طقم الصيني ملوش لازمه عشان مش هستخدم الفناجيل ولا بتاع الشوربه خلينا واقعيين اكتر ولا الاكروبال مهم غالي و بردو في نفس الحاجات اللي ف الصيني و كله الا هو منظر و خلاص