gehad Mahmoud
قبل 8 أشهر
اول مرة في حياتي اكتب كده دلوقتي خطيبي كنا سوا وعارفين بعض واتخطبنا انا عمري ما اتكلمت في هدايا أو زيارات لكن اهلي بيركزوا اوي في الحاجات دي هو بيشتغل وطموح بس داخل بمرتبه كله جمعيات و الباقي بيحاول يمشي نفسه من حاجات جانبية دلوقتي جابلي موسم رمضان كرتونة من اللي بتتوزع بس كبيرة وجابلي بوكس رمضان فانوس و شوكلاتة وميداليتين ومصلية كانها بتاعت اطفال. طبعا الدنيا مقلوبة في البيت بس مش عارفه اعمل ايه انا عارفة ظروفه بس تعبت من الصراع هما شايفين أن مفيش تقدير وان كده هعاني في جوازي وبيته مبيهتمش خالص بموضوع الزيارات والمواسم ومجبش هديةعيد حب بس جابلي في عيد ميلادي وجاب لوالدتي انا عارفة أنه كويس بس مش عارفه اعمل ايه في الحاجات والمواقف اللي زي كده
عايزة تعلّقي؟ سجّلي الدخول وشاركي رأيك.
التعليقات
٧ تعليققبل 8 أشهر
والله الاهل طلاما جاي م نحيتك وم نحيتهم هيدققو ع كل حاجه عشان بصي هو م بايدك وكل حاجه بس هو جاب ع قد مقدرتو وواضح انو شايل نفسو بنفسو م كلامك وبعدين خلينا متفقين ان الشهرين دول تعب جدا ع الرجاله م كل حاجه غلاء اسعار وشقه وعفش ومواسم ورمضان وعيد ام وعيد صغير وموال دا غير مصاريفو ف اللي هيسد كل دااا ولوحدو ف زمن زي دا يا يبقي بلوجر يا يبقي ديلر قوليلهم اعتبرو ابنكم ونا قابله وراضيه وربنا محليه ف عيني واللي يهمني انو بيحاول يفرحني ونا قابله واقطمي الكلام بقاا وتجنبي القعاد معاهم كتير عشان قله المواضيع هتخليكي انتي محور القاعده
قبل 8 أشهر
الشاب شكله بيعافر على قد ما يقدر، اقفي معاه وخففي عنه بدل ما يحس بعدم تقدير من ناحيتكم ويمشي. ربنا يسعدكم يارب ❤️
قبل 8 أشهر
انتي ادرى بيه وبطبعه ولو هو حاول يقدرك على قد اللي معاه مش معناه خالص انك هتتعبي بعد كده بالعكس هو بيحوش عشان تتجوزوا واعتقد دا كافي اصلا انك تقدري ظروفه حتى لو مجابش حاجه خالص ، وبالنسبه لكلام الاهل طبيعي بيكتر عشان فاضيين كبري دماغك وخلي عينك مليانه