اي ال بيجي ف الازاز الكاسات والاطقم الاطباق والكوبيات والنيش وكله؟

اول حاجه النيش ع حسب هو 5 رفوف ولا 4 لو 5 الرف اللى تحت بيتحط طقم الصينى هتجيبيه كامل براحتك او نص طقم براحتك الرف التانى طقم الشاى و الجاتوه بتاع الصينى التالت بيبقى يا طقم شاى و جاتوه بتشتريه يا طقم اركوبال قيم يا بيبقى طقم خشاف و جنبه طقم كاسات يمين و طقم كاسات شمال او طقم شوبات طويل و طقم شوبات قصير جنبه الرابع بيكون طقم قارورة او شربات فى النص و طقم كاسات يمين و طقم كاسات شمال او شوبات الخامس طقم قارورة يمين و طقم قارورة شمال او شربات و طقم كاسات ف النص لو ٤ رفوف شيلى اللى ميعجبكيش و جيبى اللى يعجبك البوفيه بقى بيتحط فيه باقى طقم الصينى لو جايبه طقم كاسات زياده ملهوش مكان لو م حاطه الاركوبال ف النيش بيتحط فيه شنطه المعالق كدا اى حاجه زياده بنزنقها فيه و مشى دنيتك معاه الاطباق بقى طقم الاركوبال اللى قولنا عليه قبل كدا للضيوف و اتاكدى بيدخل مايكرويف طقم العشا بورسلين ٢٤ قطعه و لو لقيتي طقم معاه سرافيس تقديم جبيه هتفيدك لو كدا كفايه عادى لو عايزه تزودى جيبى ميلامين او اركوبيركس ازاز المطبخ ٢ او ٣ اطقم كاسات شيك و عمليه اكتر للتقديم للضيوف و متستغليش علشان لو اتكسر متعيطيش ٥اطقم كوبايات شاى الطقم ٦ كوبايات ٥ اطقم شوبات مايه و عصير ٢ طقم شوب صغير ٢ طقم مجات طقم او طقمين فنجان قهوه طقم فنجان شاى طقم استكانه دا المتوسط

بيجي كاسات النيش و التقديم للضيوف و كبايات المياه و كبايات شاي و كبايات قهوه و اطباق عشا و اطقم جيلي أو بولات الصغيره اللي بيبقى شكلها حلو دي الرز بلبن و صواني بايركس و لو هتجيبي صيني تمام مش هتجيبي هاتي بداله طقم عشا ساده من غير نقش كتير لو عاوزه تحطيه ف النيش و في طقم عشا تاني يا ميلامين يا اركوبال شوفي اللي يعجبك ده بردو في المطبخ و بس دول اهم حاجه و الاعداد علي قد مقدرتك مش عدد معين