أماني الهلالي
قبل سنتين
السلام عليكم ورحمة الله وبركاته عساكم بخير انا فرحي باقي عليه تلت شهور ان شاء الله و مش عارفة الروتين اللي المفروض امشي عليه الفترة دى و كمان معلش كنت بسأل عن جهاز لازالة الشعر لانو السويت بيعملي جروح و هل جهاز الفتلة كويس
عايزة تعلّقي؟ سجّلي الدخول وشاركي رأيك.
التعليقات
٣ تعليققبل سنتين
طب نوع مرطب للجسم تاني غير الزبدة و نوع سويت كويس لا تتأخرين عنا فإننا بحاجتك يا فتااااه 😂🩵 جزاك الله خيرا 🩵
قبل سنتين
االسلام عليكم يا بنات ❤️ البوست طويل معلش 🙈 شوفت كذا بوست بتسألوا فيه ازاي نهتم بجسمنا فقولت اكتبلكم شوية نصائح مهمه بالنسبة ليا يمكن تفيدكم ❤️ بصي يا قمر علشان تكوني مهتمة بجسمك كله لازم روتين معين يومي واسبوعي وشهري 👌 اليومي يكون عندك غسول للبشرة للوش وكريم مرطب ويا سلام بقي لو فيه سيرم فيتامين سي او هيالورنيك اسيد يبقي كده مية فل وعشرة والحاجات ديه تستخدم يوميا بس السيرم قبل النوم وانتي بتدعكيه ادعكيه لفوق كأنك بتعملي مساج لوشك ،والغسول مرتين والمرطب حسب بشرتك بس كويس مرة واحدة طب البدائل ايه لو تكلفة ده غالي عليا 🤔 اقولك يا ستي 🥰 هاتي كريم مرطب مناسب ليكي ولمزانيتك وصابونة بزيت الزيتون أو دوف تغسلي بيها وشك مرة الصبح ومرة قبل النوم والمرطب مرة في اليوم لوشك وايدك وبديل السيرم هاتي لبان دكر مع شوية قشر برتقال او يوسفي وانقعيهم لمدة ٦ ساعات وبعدين صفيهم كويس وحطي الماية اللي صفتيها في بخاخة ورشي منها بليل قبل النوم وادعكي وشك زي السيرم بردو لفوق. شعرك بقي يتسرح من مرتين ل ٣ في اليوم علشان تنشطي الدورة الدموية ،و يتغسل مرتين في الاسبوع بالشامبو، والبلسم استخدميه عند الحاجة فقط علشان ميوقعش شعرك. الروتين الاسبوعي بقي 😍 لازم تعملي ماسك لجسمك زي تبريمة كده او تقشير للجسم علشان نزيل الجلد الميت ونجدد الخلايا وكمان للتفتيح هتعملي ماسك مكون من حاجات طبيعية موجودة عندك ترمس مطحون كركديه مطحون لبن بودر عليهم حبة عسل نحل بديله عسل جلوكوز من اللي بنسقي بيه الحلويات تحطيهم علي بعض لحد ما يتكون عجينة تدعكي جسمك كله وتسيبي لحد ما تحسي نشف علي جسمك بعدها تفركي جسمك علشان تعملي زي تقشير كده وبعدين تشطفي جسمك ولو عندك زبدة للجسم ادعكي بقي ورطبي . طب شعرك بقي لازم تعملي حمام زيت كل اسبوع هاتي من عند العطار علي قد ميزانيتك كميات قليلة يعني شوية زيت زيتون علي زيت جوز هند علي زيت أرجان علي زيت روزماري علي زيت خروع بس قولي للعطار عايزة الزيوت معصورة علي البارد وبس كده حطيهم علي بعض في أي ازازة بلاستيك وادعكي منهم فروة رأسك وتعملي مساج وانتي بتدعكي وبعدها حطي فوطة سخنة أو بروكاب لمدة ساعة أو ساعتين بعدها اغسلي شعرك ،الميكس ده هيعملك انبات للفراغات وهيغذي الشعر ويطوله مع الوقت بجد فظيع . طيب الروتين الشهري بقي😍 لازم تعملي حمام مغربي وبعدها السويت علشان تنوري زي الممثلين والأجانب كده. هتجيبي صابون مغربي من اي مكان موثوق فيه علشان يكون اصلي وطبعا ليفة وتبريمة مغربية وزبدة مرطبة للجسم وعكر فاسي ومتنسيش هاتي من حد موثوق علشان يكونوا اصليين ، الباكدج ده تحفة بجد للجسم بيخلي الجسم تحفة طيب البديل لو مش متاح هاتي الصابون المغربي بس والليفة وتعملي ايه بقي كل شهر لازم نسخن الجسم في مكان زي السونة كده علشان المسام تتفتح فهنشغل الدش علي مائة سخنة جدا ونقفل الحمام علشان يعمل بخار كده بس خلي بالك لو عندك سخان غاز متقفليش الباب اوي سيبيه موارب علشان متتخنقيش وبعدها تحطي علي الصابون معلقتين تبريمة وتقلبي هيكون زي العجينة كده وتحطيهم علي جسمك كله وتسيبه ١٠ دقايق بعدين تشطفي جسمك وتجيبي الخل الابيض بتاع الطبخ ده بعد ما تبلي الليفة علشان متجرحش بشرتك تحطي علي خل وادعكي جسمك كله بقي اوي علشان نطلع الجلد الميت لأن الخل زي الاحماض بالظبط اللي بتقشر الجسم زي في السيرمات الغالية كده ،المهم بعد ما تدعكي جسمك هتشطفيه كويس ومتقلقيش من ريحة الخل هتروح علي طول مش هيكون ليها اثر مجرد ما تشطفي جسمك ،بعدها تعملي بقي السويت في نفس اليوم او تاني يوم لو بشرتك حساسة ، وبلاش طريقة غير السويت لأن ده اللي بيسبب جلد الوزة ،بعد السويت طبعا هتشطفي جسمك كويس وادعكي الزبدة المرطبة علشان ترطبي جسمك كويس لان الترطيب مهم جدا بعد الحمام المغربي ،العكر الفاسي بقي لو انتي مدام دوبيه في حبة ماية ورد او حبة كريم مرطب وادعكي الاماكن اللي عايزاها موردة في جسمك وادلعي 😉❤️ طيب للشعر بقي كل شهر هتعملي حنة لشعرك الحنة العادية البلدي ديه مش علشان اللون لأ لفوايدها ليه بقي لأن الحنة ليها فوائد كتير جدا بتنضف الشعر بتتقل الشعر بتعملي الفراغات بتحافظ علي توازن الشعر بتغذية الشعر لعجن الحنة والعناية بمنطقة البيكيني بقي هنزلكم بوستات تاني إن شاء الله استنوني🥰 ويارب تكونوا استفدتم 🥰😉