Mariuima_A
قبل سنتين
السلام عليكم 🌸 بنات محتاجة حد يفيديني في اعداد المفروشات والهدوم والادوات الي عليا عشان الابلكيشن حاطت اعداد اوفر في بعض الحجات .. يعني لو انا مقدرتي اجيب بأقل من المتوسط شوية اي اقل اعداد او اقل حاجة مجيبش اقل منها .. ومحتاجة نصايح امشي عليها وانا بجيب جهازي لان معنديش وقت ابحث ولا ادور انا هتجوز كمان سنه او سنه ونص ان شاءالله ولسه مجبتش حاجة خالص ومعنديش مقدرة مادية اني اجيب حجات كتير او اجازف بحاجة تكون مش كويسة او مش مناسبه ..
عايزة تعلّقي؟ سجّلي الدخول وشاركي رأيك.
التعليقات
٤ تعليققبل سنتين
ايوة صح تسلمي على زوقك ❤️
قبل سنتين
بصي يا حبيبتي هتجيبي بطانيه وكوفرته ولحاف و دفايتين للسرير الكبير ودفايتين للاطفال وهتجيبي 12 ملايه للسرير الكبير ونوعي فيهم وخلي اغلبهم مشجر بيبقي شكله احسن بكتير من الساده وللاطفال هتجيبي 4 او 5 اطقم يعني 10 ملايات وحاولي برضو تختاري حاجات شبابي ومحايده والفوط هتجيبي علبه فوط اطفال هي كده كده للشكل ممكن تستغني عنها و من 20 ل 25 فوطه كويس جدا وحاولي برضو متكرريش الوان ومتجيبيش بطاطين اطفال ممكن بدالها تجيبي لحافين او متجيبيش عادي خالص انا مجبتش ولا بطاطين ولا لحاف اطفال
قبل سنتين
مفارش دهب كويسه انا جبت 4 دفايات سرير كبير وزيهم صغير وهجيب 7 اطقم ملايات صغير وقولي 12 كبير و 2 بطانيه كبير انا مجبتش بطانيه للاطفال بس جيت مفرش قطيفه بداله ولحاف كبير ولحاف صغير 17 فوطه وجبت البشكير بتاع المواسم ده لان انا من الارياف لو مش هتستخدميه متجبهوش لو عليا مكنتش عايزة تجيبوا😂 فوط الشافعي والسيروجي جميلة قطن وفي برضو سيجما أقل منهم شويه كوفرته كبير وكوفيرته صغير بصي جيبي ال هتستخدمي ومش مهم العدد خالص يعني انا مبحبش الزحمه وان البيت يكون مليان حاجات ولو عايزة نصحتي بصي على الخامه لأنها دي ال هتعيش يعني لو قدامك فرصه تجيبي حاجتين خامتهم مش اوي وبين انك تجيبي حاجه واحدةخامتها كويسه اختاري حاجه واحدة نصيحه كمان😂 وانتي بتختاري اختاري الوان محايدة ال تحسي انها ممكن تليق علي اي فرش أو اي دهان يعني مثلا الكوفرته تختاري لون تحسي أنه هيكون متناسق مع ألوان ملايات كتير