somacute20
قبل سنتين
بنات ممكن تساعدوني اجيب كام من كل حاجه في المفروشات لاني محتاسه فعلا قولولي اجيب كام من كل حاجه ومحدش يقولي ع حسب مقدرتك كل واحد يديني مثال اجيب كام طقم ملايات كبار كام طقم ملايات اطفال كام طقم فوط كبير وكام طقم فوط اطفال كام فوط مطبخ .. كام فوط لزينه الدولاب كام بطانيه كبيرة وكام لحاف ڤيبر كبير + كام اطفال وكام كوفرتات كبيرة وأطفال كام دفايات سرير كبير و اطفال وايه احسن انواع الماركت في كل حاجه بالله عليكم عايزة اعرف عشان حاسه اني مشتته ومعنديش حد يساعدني ولا يقولي
عايزة تعلّقي؟ سجّلي الدخول وشاركي رأيك.
التعليقات
٤ تعليققبل سنتين
انا بعد جواز تمن شهور جبت ملايات اوضه النوم عشرة ومستخدمتش غير اربعه حرفيا واتنين بطانيه واستخدمت واحدة ولحاف واتنين بشكير وبرنص ومفرش ليله الفرح اتفرش ف الفرح واتشال تاني زي ماهو ف الدولاب عشرين فوطه واستخدمت اربعه بس واتنين دفايه ومستخدمتهمش اوضه الاطفال جيت ست مليات استخدمت اتنين وست فوط اطفال ولحاف وبطانيه وكوفرته ودفايه ومستخدمتش ولا حاجه منهم 😂 فوط المطبخ جبت ١٢ وتوليت ٦ متكترتيش لانك مش هتستخدمي كل اللي هتجبيه
قبل سنتين
بصي افضل مفروشات مصري نضيفة هي السروجي ملايات وفوط أنما البطاطين انا جايبة لبنتي مورا الاسباني ممتازة ومرات ابني جايبة مورانو الاسباني ممتازة والإعداد جيبي في المعقول ١٢ طقم ملايات سرير كبير و٦ اطفال فوط من ٢٥ ل٣٠ كبير وأطفال ولحاف فرو السرير الكبير وزيواطفال وكوفرته السرير الكبير وزيو اطفال وبطاطين لسرير الاطفال وهاتي مفرش قطيفة السرير الكبير وزيو للاطفال ومفرش ليلة الزفاف للسرير الكبير وزيو للاطفال
قبل سنتين
15 ملايه سرير كبير مشجر علي ساده 4 طقم ملايه اطفال يعني 8 ملايات من 25 ل 30 فوطه واتنين بشكير وطقم برنس وده مش ضروري لو مش حابه تجيبيه عادي 2 بطانيه و2 دفايه سرير كبير و 2 سرير اطفال ولحاف وكوفرته ومفرش اللحاف هاتيه دبل فيس او هاتيله كفر تغيري في شكله و علبه او اتنين فوط اطفال وعلبه فوط مطبخ وبس كده
قبل سنتين
بلاش أعداد كتيرة عالفاضي هاتي حاجة نضيفة حتي لو عددها قليل يعني 10 مفارش كبير حلو أوي بالكتير أوي 15 و 8 صغيرين و30 فوطة دول كتير خالص خالص و4 أطقم أطفال وبلاش فوط زينة ملهاش لازمة أصلا 3 بطاطين ولحاف كبير وواحد دابل أطفال ومفرش قطيفة كبير وواحد دابل برضو أطفال وكوفرته كبيرة وكذلك الأطفال و4 دفايات علشان تغيري بينهم ودول حلوين أوي علفكرة وبرضو هرجع وأقولك كل واحد حسب مقدرته وحسب اللي شايفة مناسب له