إن شاء الله فرحي بعد اسبوعين وكتب كتابي قبل الفرح باسبوع ممكن تنصحوني بايه ؟ و محتاجه دعوا…

ربنا يتمملك على خير يا رب ويسعدك و ربنا يوفقك في حياتك يارب يا حبيبتي و يهنيكم ببعض اللهم امين ♥️🤲

جزاكم الله خيرا يا بنات والله افدتوني واسعدتوني وبإذن الله احتفظ بكل نصائحكم الطيبة دي واعمل بيها🥰❤️❤️❤️❤️🌹🌹🌹🌹

اللهم بارك ربنا يتمملك على خير يارب معنديش نصائح لسه قولت ادعيلك بس البنات قاموا بالواجب ربنا يوفقك في حياتك يا حبيبتي ويهنيكم ببعض💙

ربنا يسعدك ويوفقك في حياتك ويتمملك علي خير يارب ويجعله خير زوج ويجعلك خير زوجة ويهديكم ل بعض يارب ويحميكم ويبعد عنكم العين يارب ♥️♥️♥️♥️♥️ بصي اهتمي بنفسك وترطيب جسمك وإزالة الشعر طبعا ولو في امكانك تعملي جلسة حمام مغربي وتعطير قبل الفرح بيومين تلاتة اوكي مش امكانك مش مشكلة اطلاقا خدي دش يوميا متجهديش نفسك اووي بلاش ليزر الفترة دي بلاش تلعبي في وشك او تحطي حاجة جديدة مكنتيش بتحطيها قبل كدة وشعرك كذلك اهتمي بترطيبه زي ما كنتي بتعملي قبل كدة اشربي مية كتير حاولي تخلصي اي حاجة في شقتك لو لسة مخلصتش علشان متزنقيش نفسك في اسبوع ما قبل الفرح دة بلاش تزعلي نفسك لأن نفسيتك هتاثر علي وشك وطبعا اكلك بردو علشان وشك والحبوب حاولوا متكلموش بعض كتير علشان العيون عليكم ممكن لاقدر الله يحصل مشكلة بينكم احنا في غني عنها ملكيش دعوة بكلام حد خليكي باردة وردي ببرود واقصفي جبهة اي حد يزعلك دة ما قبل الفرح ما بعد الفرح لما يتقفل عليكم باب واحد بإذن الله عودوا نفسكو انك تحافظو غلي صلاتكم دي أهم شيء هي دي البركة للبيت ولحياتكم وعودوا نفسكو متناموش وانتو زعلانين من بعض عدي وفوتي بي متجيش علي نفسك ولا كرامتك طبعا علشان ميستغلش دة مشاكلكم بينكو متطلعش برة صوتكم ميعلاش وحد يعرف حاجة عنكم متحكيش لأي حد حاجة عنكم ولا عن حياتكم مهما كان الشخص دة مين حتي لز البيست فريند اعتقد مفيش حاجة تانية ربنا يفرحك ويتمملك علي خير يارب وما يدخل حد بينكم ابدا ولا يجعل بينكم مشاكل ولا زعل آمين يارب ♥️♥️♥️♥️♥️♥️♥️🫂

اللهم بارك يارب ربنا يتمم عليكِ بخير ياحبيبي ويجعله زوج صالح يارب ويجعلك زوجه صالحة مصلحه يارب 🤍 عاوزه منك الفترة دي تهدي خالص وحاولي تفرحي على قد ما تقدري اهتمي بجسمك والترطيب الترطيب الترطيب من هنا لبكرا واشربي مايه كتير مش اقل من 8 كوبايات ف اليوم واهتمي برضو بشعرك وظبطي حوار الفستان والحجات المطلوب دي كلها وكل يوم قبل ما تنامي صلي ركعتين لله شكر أن من عليكِ توصلي هنا وان يتم فرحتك بخير وبجد.حاوىي تبقى رايقه موت موت ومتخليش اي حاجه تزعلك الفترة دي وخليكي بارده لأن عامة الفترة دي نفسيا ع العروسه بالذات مش بتكون احسن حاجه وكمان ممكن تبقى الدنيا مش لطيفه بينك وبين خطيبك ف انتي حاولي تبقى الطرف الاكثر هدوءا واحتواء علشان الشيطان فعلا يكره أن تتم زيجه طيبه ويتم انشاء بيت مسلم جديد ف انتي استعيني بالله وجددي نواياك وحاولي متسمعيش لحد.وان شاء الله تبقى عروسه جميلة وتفرحي وربنا يتم فرحتك على خير 🤍

ربنا يتمملك على خير ويوفقك في حياتك الجديدة ♥ ان شاء الله يكون خير الزوج والسند ♥ نصيحتي ليكي ملكيش دعوة بحد من اللي حواليكي محدش عارف خطيبك زيك وكل واحد بيشوف من وجهه نظره هو ف متسمعيش لحد ، حياتك تخصك انتي بس وبلاش تحكي لحد حاجة علشان كل ذي نعمة محسود ومحدش فينا عارف اللي قدامنا يتمني ايه ف حياته موجود معانا ومعتبره حلم بالنسباله انه يتحقق ، عدي لزوجك الخلافات البسيطة وبلاش تشتكي ل اهلك الا لو حاجة تمس كرامتك وكيانك ك انثي ربنا يجمع بينكم على خير