ميوي مي
قبل سنتين
جماعة أنا معرفش حاجه عن الاهتمام بالجسم غير ازالة الشعر يعني ف ك روتين ومرطبات و لوشن وبودي سبلاش ومش عارفه اي معرفش اي حاجة ممكن حد يقولي روتين كامل وانا باقي ٥ شهور على فرحي
عايزة تعلّقي؟ سجّلي الدخول وشاركي رأيك.
قبل سنتين
جماعة أنا معرفش حاجه عن الاهتمام بالجسم غير ازالة الشعر يعني ف ك روتين ومرطبات و لوشن وبودي سبلاش ومش عارفه اي معرفش اي حاجة ممكن حد يقولي روتين كامل وانا باقي ٥ شهور على فرحي
عايزة تعلّقي؟ سجّلي الدخول وشاركي رأيك.
admin nour
أمس
❄️🧸 شتاء دافي وراحة ملهاش مثيل ❤️
+1
التعليقات
٣ تعليققبل سنتين
اااااه جيتي ف ملعبي بصي ياست الكل ورقة و قلم و اكتبي ورايا 😂 اول حاجه وشك ، لازم تعملي تنضيف بشرة ف كلينيك و الدكتور اللي بتعملك هتحددلك انتي محتاجه تعملي تنضيف بشرة كل شهر ولا شهر ونص على حسب بشرتك طبعا ، و لو بشرتك مختلطة هاتي غسول ستارفيل تحفه تحفه تحفه و مرطب moist 1 جامد بردو للبشرة المختلطة والجافه والحساسه و دول هتستخدميهم مرتين في اليوم اول ما تصحي و قبل ما تنامي بس انا بستخدم مره ف نص اليوم بردو بحس وشي محتاج يتغسل، و هاتي ليب بالم لونا او اي ليب بالم بتحبيه و رطبي شفايفك دايما ، و استخدمي صن بلوك يكون مناسب ل بشرتك هيفرق معاكي جدا ، انا بستخدم لاروش بس غالي فا شوفي حاجه تانيه مثلا او اللي يريحك ، و استخدمي الشيفينج وانتي بتعملي وشك انضف بكتير من الفتله بتطلع حبوب ، اعملي شنبك بس بالفتله عشان ميخضرش ، و هاتي سيروم فيتامين سي تحفه بامانه هيفرق جدا انا بستخدم الفيتامين بتاع بي نيوترا حلو ومش غالي اوي ، و طبعا لو عندك اي حبوب ف وشك روحي ل دكتورة جلدية الاول هي هتحددلك تستخدمي انواع ايه ، ولكن لو عندك حبوب بسيطة خالص كده او مش كتير استخدمي كريم ستارفيل اكني برون سكين ده بيتحط على الحبايه ذات نفسها قبل ما تنامي ، و اهتمي بردو ب سنانك دايما وغيري الفرشة كل ٣ شهور انا عن نفسي بغيرها كل شهر أو شهرين عشات عندي وسواس نضافة 😂 ، استخدمي معجون سيجنل بجوز الهند و النعناع او اللي بالفحم الاتنين تحفه ده كده بالنسبة ل وشك نيجي ل شعرك بقا ياست الكل ، انضف شامبوهات ممكن تستخدميها لوريال و دوف الاتنين تحفه ، انا بستخدم الشامبو و البلسم بتاع دوف و بستخدم معاهم حمام كريم لوريال اللي ب زيت الجوجوبا خطير بجد و بعد ما بغسل شعري و انشفه بستخدم نوعين كريم من لوريال بردو واحد للشعر الضعيف قابل للتساقط و التاني للشعر الطويل التالف بحطهم على بعض و استخدمهم وحقيقي تحفففففه ، بس منصحش اوي ب استخدام الزيت الا او هتعملي حمام زيت بس عشان في الأغلب الزيت بينشف الشعر شعرك نشفيه ب حاجه قطن و نشفيه براحه مش جامد اوي و اغسلي شعرك بمياه فاتره مش ساقعه تلج ولا سخنه نار و الشامبو تغسلي بيه فروة راسك بس و البلسم و حمام الكريم في باقي اطراف شعرك كله و طبعا استخدمي توك ستان و حاولي افردي شعرك اغلب الوقت عشان يتهوى😂❤ نيجي ل جسمك بقا ، لو انتي مقتدره طبعا طبعا اعملي ليزر وانتي مغمضه الفرق بيبان مم اول جلسة حقيقي جباااار ٠ولو مش هتعرفي فا استخدمي الطريقة الأنسب ليكي يا سويت بتاعة ايفوفا بجوز الهند يا شيفينج بتاعة فينوس ، و بصي ياست الكل هتجيبي صابون مغربي ب زيت الارجان و ليفة مغربيه و اي نوع سكرب للجسم يعجبك وانتي بتاخدي دش اغسلي جسمك بمياة سخنه بحيث تفتحي المسامات لمدة ١٠ دقايق او ربع ساعه بعد كده ادهني جسمك بالصابون المغربي و خليكي في بخار المياه السخنه عشر دقايق بردو و بعد كده اشطفي جسمك من الصابون كويس اوي و افركيه بالليفه المغربيه و هتدعيلي والله بعد ما تفركي جسمك كله الجلد الميت كله هيخرج بعدها اعملي السكرب و بعدها اغسلي جسمك ب الليفه العاديه و شاور جيل انا بستخدم شاور جيل دوف ب جوز الهند او ساعات شاور جيل دوف بردو بالافوكادو الاتنين تحفه بعد ما تطلعي من الدش الحلو ده نشفي جسمك كويس ب حاجه قطنيه او فوطه متكونش خشنه اوي ، و رطبي جسمك انا بستخدم كريم جونسون سوفت العلبة لونها بينك كلها و حقيقي تحفه و بستخدم بردو مرطب دوف بتاع الجسم ده جميل جدا بردو ، و استخدمي ديودرينت طبعا بس اهم حاجه تنشفي منطقة الاندر ارم كويس بمنديل ، استخدمي ديودرينت جارنيه او دوف اللي بالتوت تحففففه الاتنين دول و في منهم كريمي وفي رول ، و هاتيه الزيت بتاع فازلين اللي كان طالع من فتره ده ادهنيه قبل ما تنامي او ب بيبي اويل بتاع جونسون هتصحي تلاقي جسمك حته زبده 😂 اه صحيح شعرك بيتغسل مره او مرتين بس في الأسبوع و طول ما انتي قاعده رطبي جسمك و شفايفك و هاتي مضمضه كده اسمها جينيرا للأسنان تحفه بتقتل اي بكتيريا و اهتمي ب رجلك بردو لو هتعرفي تعمليها عند بيوتي سنتر تمام ولو مش هتعرفي بصي هاتي ملح حليب اللي بيبقا لونه بينك او اسود ده و مرسوم عليه بقره و هاتي قشور بديكير عند أي حد بتاع مستحضرات تجميل و هاتي بنز بتاع الجلد الميت و الضوافر و هاتي مبرد و حجره اللي بيتحك بيها الجلد ، وحطي رجلك في مياه سخنه و فيها القشور بتاعة البديكير دي و سيبيها لحد ما رجلك تبوش بعد كده طلعي رجل واحده نشفيها شويه بسيطه و افركيها بالحجر من اول كعب رجلك و حوالين رجلك لحد ما كا الجلد الميت يتطلع بعد كده تعالي عند ضوافرك قصي الجلد الميت اللي حوالين منها و نضفي من تحت الضوفر نفسه و لو عندك شعر صغنون في صوابع رجلك شيليه بفتله او بالشيفينج الاسهلك بعد كده اعملي سكرب ل رجلك من نفس السكرب اللي هتستخدميه ل جسمك بعد كده اغسلي رجلك مكان السكرب ده و ابردي ضوافر رجلك حلو و حطي كريم مرطب لرجلك و لو عندك كعب غسال حطيه بيدي لون وردي حلو و حطي مانيكير بقا دلعي نفسك صدقيني لو مشيتي على الكلام ده ل مده شهر هتلاقي نفسك روحتي ف حته تانيه خالص مابالك بقا او مشيتي عليه سنه 😂🏃♀️
قبل سنتين
جيبي حمام مغربي موركان