بنات ممكن حد يكون عمل تحليل الصحة قبل الجواز يكون عبارة عن ايه علشان مقلقة منه شوية

عرايسنا الحلوين المحتاسين ف الاجراءات والاوراق اللي بيحتاجوها لكتب الكتاب ومش عارفين المأذون بياخد كام نجمع كده هنا ونرفع البوست وقولولي ع اللي محتاجين تعرفوه وميعادنا الساعه 7 هنعدل البوست دة وننزل بالتفاصيل 😎 🫡 تعديل اسفه ع التأخير يا حلوين🥰 * الاوراق المطلوبه لكتب الكتاب - 4 صور لبطاقة الزوجين . - 4 صور شخصية للزوجين . - يجب أن تكون البطاقة سارية . - بطاقة وكيل العروس (والدها - أخوها - عمها - خالها) وصورة منها وتكون ساريه . -صور بطاقه لكل شاهد . - اصل شهادة الميلاد المائيه للزوجين . - الشهادة صحية ودى من اي وحدة طبية للزوجين . * هو لازم خطيبي يبقي معايا واحنا بنعمل التحاليل ولا اي ؟ _ مش لازم اكيد عادي كل واحد فيكم يعملها ف المكان القريب ليه مش اجباري يعني تبقوا مع بعض وتزنقوا نفسكم ف الوقت . التحاليل دي بتبقي عباره عن اي وهل ممكن يبقي فيه مشكله ؟ * التحاليل عباره عن : - الكشف عن الأمراض غير السارية السكر، ارتفاع ضغط الدم، السمنة. - الكشف عن الأمراض المعدية مثل فيروس بي وسي، فيروس نقص المناعة البشري (الإيدز). - إجراء تحاليل فصيلة الدم. - اختبار "آر إتش" . - تحليل نسبة الهيموجلوبين . في حاله ظهور مشكله تعوق الزواج بيتم امضاء الطرف الاخر عن تحمله المسئوليه الكامله ف حاله رغبتهم لتكمله الزواج وبس الموضوع بسيط متعقدوهاش رب الخير لا يأتي إلا بالخير 🤍 . * هناخد اي واحنا رايحين نعمل التحاليل ؟ _ صوره بطاقه _ صوره شخصيه _ 220 جنيه تكلفه التحاليل لكل فرد منكم . * خطيبي مسافر وهينزل اول الشهر وانا فرحي يوم 14 اعمل اي ؟ _ لو مسافر جوة مصر من حقه يروح يعمل التحاليل ف اي وحده صحيه قريبه ليه لكن لو بره ف اول ماينزل بالسلامه هيروح يعمل تحاليله ومش بتاخد وقت قولتلكم فوق 14 يوم بس بالنسبالي مكملتش 5 ايام وطلعت ف متقلقوش . * مده ظهور نتائج التحاليل رسمياً بتاخد مده حوالي 14 يوم لكن ف الغالب بتظهر قبل المدة دي وبنعرف انها ظهرت من خلال رساله بتستلميها ع الفون من الوزاره بتجيلك انتي و العريس علي ارقام التليفون اللي مسجلينها معاهم ف المستشفي او الوحده الصحيه * هل ينفع اعمل التحاليل قبل ميعاد كتب الكتاب بكذا شهر ؟ _ اه ينفع عشان الشهادة الصحيه ساريه معانا مده لغايه 6 شهور . * نيجي بقي للغبطه كلها فكره المأذون بياخد كام ف الاجراءات دي وبياخد كام علي المؤخر ؟ - المأذون بياخد رسوم حوالي 1350 جنيه والرقم دة طبعا بيختلف من مأذون للتاني وبياخد 4 % علي المؤخر يعني مؤخرك 10000 ف هياخد 300 جنيه غير الرسوم اللي قولنا عليها فوق ومحدش يسأل نكتب مؤخر كام عشان دي بتبقي علي حسب مقدرته العريس وعلي حسب الاتفاق اصلا . * واخيراً حبيت اوضحلكم نقطه فيه ناس مش بترضي تعمل التحاليل وهتلاقي كذا مأذون يعملك كل اللي انتي عيزاه بس طبعا كل حاجه بتخلص بالفلوس بس الافضل اننا نعمل التحاليل ونطمن علي نفسنا 😉 اتمني اكون قدرت افيدكم 🤍 ادعولي دعوه حلوه وانتوا معديين ولكم بالمثل 🥰

هبعتلك ثواني يا قمر

متخافيش دا روتين وهيا بتبقي شكه واحده بس مش بيسحبوا دم ولا حاجه شكه بسيطه كدا والموضوع بيخلص