تكمله سلسله بوستات #جهزي_صح : رابعا ً ( الصوانى والطاسات ) ↪️ 🔶 ب_ صواني الفرن : انواعها…

تكمله سلسله بوستات #جهزي_صح : رابعا ً ( الصوانى والطاسات ) ↪️ 🔶 ب_ صواني الفرن : انواعها 🌸 الومنيوم 🌸 جرانيت 🌸 تيفال 🌸بورسلين 🌸 بيركس. 🌸 فخار هشرح بالتفصيل عن دول : ♦️ صوانى الفرن الالومنيوم: لو شوفتوا ف الجزء الخامس قولتلكم هرشح الالومنيوم ف حاجه تانيه و هنا بقولكم مفيش زى الالومنيوم في الفرن 🫣😅 رغم المشاكل الصحيه اللى موجوده فيه بس كفائته في توزيع الحرارة ونتيجة التسوية مفيش زيها وده بشهاده شيفات طبخ و ناس كتيييير. ✅ هنستخدم الالومنيوم ف اى ؟🤔 🌼أي حاجة للكيك و الخبز هتبقى ( الومنيوم ) زى الصاجات المستطيلة وفورم الكيك الوردة والقلب والبريوش والتوست وطقم البسبوسة . ✅ اجيب عدد قد اى من صوانى الفرن الالومنيوم ؟🤔 🌼 طقم صوانى مستطيل + صاج كمان مستطيل . 🌼طقم صوانى بسبوسة . 🌼قوالب كيك وفورمة الورده او عباد الشمس او اللى بيبقى مفتوح من النص أو شكل القلب . ✅ ملحوظات هامه عند استخدام صوانى الفرن الالومنيوم؟ 🌼 الصواني الالومنيوم بتيجي عليها طبقة حماية تمنعها من التفاعل مع الاكل لكن للاسف مع التنضيف العنيف بالسلك والدعك الكتير بتتشال الطبقة دي.. ف حاولي تتبعي ارشادات الاستخدام اللي بتيجي مع الصواني لتقليل ضررها. 🌼ممكن نستخدم ورق زبدة في الصواني لو عايزين نضمن ان الاكل ميتفاعلش مع الالومنيوم. ✅وانتي بتشتري الصوانى هتاخدي بالك من ايه؟🤔 🌼 تجيبى الصوانى عميقة شوية. 🌼سمك وتخانه الصوانى لا تقل عن 3 مللى كل ما التخانه بتبقى أعلى كل ما بتحافظى على طبقه الجرانيت لو الصينية نوعها جرانيت. ♦️صوانى الفرن الجرانيت: ✅ايه افضل نوع لو الصينيه جرانيت ؟🤔 🌼 نيوفلام الكورى ، سافلون ، طيبه ، مارتيف التركي. ✅ خطوات قبل استخدام صوانى الفرن ؟ 🌼يفضل تدهنى كله زيت بالجوانب وتدخليه الفرن عند درجه حراره اول ما تحسى أن الزيت بدأ يسخن تطلعيه وبعدين تستخدميه عادى والحركه دى بتدى متانه اكتر لطبقه الجرانيت ف الصينية. ✅للاستخدام اليومي ف الطبخ ؟🤔 🌼 نشترى صواني تيفال او جرانيت او بيركس. 🔺 ( البيركس انا متكلمه عنه ف جزء الرابع بس هقولكم هنا تانى هو بيبقى من ٣ ل ٥ قطع احسن نوع الفرنساوى ) هقولك بقا نصائح هامه وانتى بتستخدميه : 🌸-بلاش تمسكيه بحاجة مبلولة وهو سخن عشان ميفرقعش او تجيبى ناحيته نقطه مياه حتى . 🌸-اول ما تطلعيه من الفرن طلعيه على حاجه خشب او حوامل إستانلس . 🌸 او تطلعيه ع فوطه ناشفه مش مبلوله. 🌸او تطلعيه على الرخامه بشرط تكون مش مبلوله اوعى عشان ميفرقعش. ✅ اجيب عدد قد اي للاستخدام اليومى ؟🤔 🌼 2 صنيه مدوره + 1 صنيه مستطيلة كفاية جدا (ممكن تستغني عنهم ويبقى كله الومنيوم بس دا بديل صحي شوية) لو قررتي تستغني عن الالومنيوم خالص مفيش مشكلة بس دا هيرفع الميزانية جدا عشان تشتري البدائل ف لازم تجيبي اللي هتحتاجيه بس.. وكمان لضمان كفاءة الخبز حطي الصنية بتاعتك جوه صنية الومنيوم هتديكي نفس النتيجة. ♦️طواجن الفرن الفخار: طبعا ده من اختيارى لو مش عاوزه تجيبها مفيش مشكله. 🌼 لا يتفاعل مع الاكل تماماً عكس الالومنيوم. 🌼 سرعه التسويه ممتازه بتسوى الاكل ف وقت قليل . 🌼 بيحتفظ بدرجه الحراره لوقت طويل جدا. ✅هتعملى اى قبل الاستخدام ؟🤔 🌼 بنحطها تتحرق الاول ف الفرن . 🌼 يفضل ندهن الطاجن الفخار بالزيت أو بالسمنه البلدى أو بالعسل او عسل وزيت مع بعض وندخله الفرن ونسيبه يتحرق لمده ربع ساعه لحد لما تلاقى الفخار لونه بدأ يتغير ويظهر .. ✅ ليه بقا بنعمل كده ؟ 🤔 🌼عشان الفخار يكون انعم والمسام بتاعته تتقفل وبعد الحركه دى هتلاقوا احسن واحلى طعم اكل هو ف طواجن الفخار . ♦️صوانى كلبس : الطقم دا هو بيكون صاج ومطلى طبقة تيڤال ومش بتعدى ال 200جنيه وهو دا للحلويات البارده زى التارت وال تشيز كيك و تيرامسو🍰 ❎عيوبه : 🚫 مبيدخلش الفرن . 🚫 بيتقشر و بيصدي علطول . 🚫مش حلوه من حيث الكلبسات دى اللي هي بتقفل وتفتح بتبوظ بسرعه وبتسرب الخليط اللي بتحطيه . ✅ عاوزه نوع تانى غير التيفال المنتشر في السوق دا ؟ 🌼 انضف نوع Cbc. ✅ لو عاوزه بديل تانى زيه احسن بكتير يبقى ايه ؟ 🌼 البديل هو اللى بيتباع ب القطعه بيبقي جرانيت اصلي والقطعه ممكن تعدي ال 300ج. --------------------------------------------------------- 🔸ج _ الطاسات : بالنسبة للطاسات ف الافضل تبقى مش بتلزق 🌸 تيفال 🌸جرانيت وهكذا ودا عشان طبيعة استخدامها بتبقى غالبا للبيض أو للتشويح او حاجات زى البان كيك والكريب ف لو مش بتلزق هتريحك جدا. ✅اجيب عدد قد اي من الطاسات ؟ 🤔 🌼طاسه للتحمير اشتريها الومنيوم أكتر حاجة بتستحمل بصراحة هنكتفى ب 1 فقط ولو تبقى ووك هتبقى احسن. 🌼طقم طاسات 3 مقاسات مختلفه . 🌼طاسة طشه دى مقاسها 14 أو 16سم لطشه الملوخية . 🌼 طاسه ووك دى طاسة غويطة اكبر مقاس فيها تقريبا 36سم حلوه ف عمل الشاورما والكبدة والكميات الكبيره ويفضل تبقى جرانيت . 🌼طاسه الجريل اغلب اطقم الحلل بتيجى فيها الطاسه دى. 🌼 طاسه الكريب ( ممكن نستغنى عنها ) 🌼 طاسه العيش السورى (ممكن نستغنى عنها ) 🌼 طاسه الجريل الدابل (ممكن نستغنى عنها ) 🌼 طاسه تحمير بشبكه ممكن نستخدمها ف تحمير البطاطس والبانيه وكده انا شوفت منها نوع تروفال يعنى تيفال مش عارفه في منها انواع تانيه ولا . --------------------------------------------------------- ✅نركز ف اللى جاى ده عشان بننساهم ف الزحمه دى 😂 🔸كسرولات: 🌼اشتروها إستانلس او تيفال وبيبقوا مقاسين 14 و16سم ولو في بغطاء يبقى أفضل كمان مش هتستغنوا عنها. 🔸 لبانة : يفضل تبقى إستانلس أو جرانيت ويفضل يبقى ليها بوظ . 🔸طقم كنك القهوه : 🌼 يفضل يبقى إستانلس وهو طقم ٣ مقاسات.. أصغرهم يكفي فنجان قهوة وأكبرهم ياخد كوبايتين مية. 🔸براد : لو مش هتجيبي كاتل ويفضل يبقى إستانلس وطبعا لازم يبقى مختوم علي القاعده من تحت العيار 18/10 . وأخيراً خلصنا المطبخ🔥 وكالعادة هحطلكم صور كل حاجه في الكومنتات 🫶 💗لو عاوزه تشوفى باقى الأجزاء دوسي علي هاشتاج #جهزى_صح ✅